Assi: Namminersorlutik Oqartussat

Naak politikkikkut sammiveqanngittoqaraluartoq Løkkep ataatsimeeqatiginissaa piviusunngussaaq

Naak Partii Naleraq Kim Kielsenip statsminister Lars Løkke Rasmussenillu ataasinngornermi ataatsimiinnissaat pissutigalugu naalakkersuisooqataajunnaaraluartoq ataatsimiinnissaq ingerlatiinnarneqassaaq. Namminersorlutik Oqartussat paasissutissiinermi pisortaat KNR-imut nalunaaruteqarpoq.

Partii Naleqqap mittarfinnut pilersaarutinut atatillugu danskit aningaasatigut tapiissuteqarsinnaanerannik Kim Kielsenip Naalakkersuisut siulittaasuatut isumaqatiginninniarnera kamaatigaa.

Partiit kamangaarami Naalakkersuisut qimallugit sapaammi ualikkut naalakkersuisooqataajunnaarpoq.

Kim Kielsenili danskit statsministeriata ataasinngornermi ataatsimeeqatiginissaanik tamanna pissutigalugu taamaatitsiinnarnianngilaq. Naalakkersuisut siulittaasuata danskillu statsiministeriata danskit mittarfinnut pilersaarutini 3,5 milliardinik naleqartumi aningaasaleeqataasinnaanerata isumaqatigiissuteqarfigisinnaaneranut periarfissat oqallisigissavaat.

- Tassa piginnaatitsissut pigereerpara. Ajornanngilaq, Kim Kielsen oqarpoq.

AAMMA ATUARUK Partii Naleraq Naalakkersuisooqatigiinnit peqataajunnaartoq

 

 

 

Isummersuutit

2018-10-12_14_10_56-inatsisartut-ukiakkut-ataatsimiinnerat-001.png

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat