Naak isumaqatigiissutersi

’Naammi isumaginninnermut siunnersortinngornianut tunngatillugu illit ministeriunerlu Anders Fogh Rasmussen isumaqatigiissutersi?’ Naalakkersuisunut taama apeqquteqarpoq Inatsisartunut ilaasortaq Asii Chemnitz Narup, januaari naajartulersoq.

februaarip 05-at 2008 12:39

Apeqqutit naalakkersuisut siulittaasuannit Hans Enoksenimit akineqarsimalerput.

Akissummini tunngavilersuutigaa isumaqatigiissut oqaasiinnartigut isumaqatigiissutaammat.

-Naalakkersuisut siulittaasuata ministeriunerullu januaarip ulluisa qulinganni isumaqatigiissutigaat, Ilaqutariinnermut peqqinnissamullu naalakkersuisup, kiisalu atugarissaarnissamut ministerip, suleqatigiinnissamut isumaqatigiissutaat marsip ulluisa 30-anni 2006-imeersumit oqaloqatigiinnermik aallarnerneqassasoq, taamaalilluni inunnik isumaginnittunngorniat ilinniartitaanerat qaffassarniarneqassammat, Hans Enoksen akissummini tunngavilersuivoq.

Suleqatigiinissamik isumaqatigiissummut marsip ulluisa 30-ani 2006-imeersumit aallaaveqartumik ilaqutariinnermut pisortaqarfimmit arlariinnik suliniutinik iliuuseqartoqareersoq aamma oqarpoq.

Naak isumaqatigiissutersi

Aamma atuaruk