N-48 Ilulissaneersoq nunatsinni pissartanngortoq
Ippassaq nunatsinni isikkamik arsaannermik pissartanngorniutivittoqarnerani Ilulissaneersut Nagdlunguaq N-48 nunatsinni angutini pissartanngorpoq.
Allattoq Karsten Sommer
Ilulissaneersut N- 48 Qeqertarsuameersullu G-44 unammersuarneranni minutsit 18-it ingerlariitsiaannartut N-48-meersoq Nick Reimerip målerneratigut 0-1-imik ajugaapput.
Ukioq manna arsarluarnerpaatut G-44-meersoq Inooraq Svendsen toqqagaavoq.
Arsalerillammattut N-48-meersoq Søren Kreutzmann toqqagaavoq, kiisalu akiuulluarnerpaatut aamma N-48-meersoq Peter Rosbach toqqagaalluni
IT-79 Nuummeersoq ukioq manna bronzennappoq, taakku siorna pissartanngorniutivinnermi pisartanngortut B-67 2-0-imik ajugaaffigai.