Münchenimi isumannaallisaaniarnerit annertusarneqarput
Pinerliiniaqatigiit al-Qaedakkut Tysklandimut sioorasaarereersullu Münchenimi Oktoberfesternissami isumannaallisaaneq pisortanit qaffariarujussuartinneqarsimavoq.
Allattoq Mads Lynge
Politiit nuannaffiusussap qeqqa ungullugu isumannaallisaaneq anguniarlugu misissuiffiliortitersimapput. Taama Bayernimi nunap iluani pissutsinut ministerip Joachim Herrmannip ippassaq ataasinngornermi nalunaarutigaa.
Isumannaallisaarinissami iliuutsit nutaat kinguneraat, kikkulluunniit nammattagallit annerusunilluunniit pooqattallit unitsinneqariarlutik misissorneqartalertussanngortullu. Tamanna pivoq naalagaaffiup Tysklandip Afghanistanimi sakkutuuisa aninissaanik al-Qaedap piumasaqaataa piviusunngortinneqanngippat pinerliinissaminnik siorasaarereersullu.