Mærsk aatsaat taama angusarissaartigaaq
Danmarkimi umiarsuaatileqatigiiffissuup uuliasioqatigiiffiullu A.P.Møller-Mærskip 2010-mi naatsorsuutitik, akileraarutinik suli akiliinnginnermi 59,6 milliardit koruuninik sinneqartoorfiusut ullumi saqqummiuppai.
Allattoq Elisa Isaksen
februaarip 23-at 2011 06:58
Suliffeqarfissuup ukiuni 106-ini atuunnerani aatsaat taama angusarissaartigisoqarpoq.
Suliffeqarfissuaq siorna amigartoorpoq, ukiorli ataaseq qaangiutiinnartoq 2010-mi milliardilikkaanik sinneqartooruteqartoqarluni.
Sinneqartoorluarnermut suliffeqarfissuup ilaa Mærsk Olie & Gas pissutaaqataavoq, tassani 2010-mi akileraarutinik suli akiliinnginnermi 32,6 milliardit koruuninik sinneqartoorfiugami.
Suliffeqarfissuup ilaa Mærsk Olie & Gas, Nunatta eqqaani uuliamik ujaasilluni qilleriniartunik 2010-mi qinnuteqartitsisoqarmat, akuerineqartunut ilaavoq.
Suliffeqarfissuup A.P.Møller Mærsk-ip kaaviiaartitai 311,6 milliardit koruuniupput, nunanilu tamalaani 115.000-it missaannik sulisoqarluni.
