Mælkebøtten atuunnermini marsimi ukiunik pingasunngortorsiussaaq

Nuummi meeqqat inuusuttullu ornittagaat Mælkebøtten atuunnermini marsimi ukiunik pingasunngortorsiussaaq. Isumaginninnermut tunngatillugu misiligummik suliniut taanna pillugu nalilersuisoqareerpoq, Mælkebøttenillu ukiuni pingasuni suliniutigisimasai amerlaqisunit nersualaarneqarput.
Assi © : KNR/Arkiv
Allattoq Mads Lynge
februaarip 20-at 2009 05:07

Kommuneqarfik Sermersuumi isumaginninnermut allaffeqarfimmit, Mælkebøttenimi sulisunit meeqqanillu Mælkebøtten pingaartinneqaqisoq nalunaarusiami oqaatigineqarpoq:

Isumaginninnermut ingerlatsivimmi meeqqanut sunngiffimmi neqeroorutaavoq nutaaq. Aamma meeqqat nukinginnartumik inissinneqartariaqalersut ulloq unnuarlu inissinneqarsinnaalerput, taamalu isumaginninnermi sulisut meeqqanut ataasiakkaanut sullissinissaminnut piffissaqarnerulerlutik. Nalunaarusiami aamma oqaatigineqarpoq meeqqat Mælkebøtten ornittakkatut nuannarisorujussuugaat.

Mælkebøttenimi ningiuusup Kirsten Ørgaardip nersualaarinninnerit aamma peqatigiiffiit, aningaasaateqarfiit kajumissutsiminnillu ikiuuttut nuannaarutigisorujussuuai, taamaattorli suliniutip aningaasaqarniarnera suli ernumanartuusoq oqaatigalugu.

- Mælkebøttenip 2009-mut aningaasaqarniarnera suli qulakkeerneqanngilaq aamma ornittakkap ingerlanneqarneranut ukiumut aningaasartuutit matussuserneqarnissaannut tunngasumik Kommuneqarfik Sermersuumik isumaqatigiissuteqarsinnaanissaq neriuutigaarput, Kirsten Ørgaard Sermitsiamut taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq