Mâliârak' Vebæk atuakkamik saqqummersitseqqilerpoq
Qavappiaat immikkut sumiorpalussusaat oqaluttuariaasiallu atuaganngorlugu Mâliâraq Vebækimit saqqummersinneqalerpoq. Sisamanngorpat atuakkiortup 90-inik ukiullip atuagaq Københavnimi kalaallit illuutaanni ilasseqatigiissitsinermi saqqummiutissavaa.
Atuagaq ateqarpoq “The southernmost people of Greenland – Dialects and Memories” taassuma imarai oqaluttuatoqqat qavappiaat sumiorpaluutaat atorlugit oqaluttuarineqartut.
Oqaluttuat Mâliâraq Vebækimit 1940-mit 1960-ip tungaanut Nunap Isuata eqqaani katersorneqarput.
Mâliâraq Vebæk nunaqarfimmi Narsarmijini inunngortuuvoq kalaallinillu arnanit siullersaalluni atuakkiorluni. Tassa 1981-imi atuakkiani “Bussimi naapinneq” saqqummersikkamiuk ukiorlu ataaseq qaangiummat nammineq qallunaatuunngorteriarlugu saqqummersippaa taallugu “Historien om Katrine”.
Ukioq taanna, tassa 1982-imi Mâliâraq Vebæk kalaallit atuakkiortut peqatigiiffiata nersornaasiuttagaanik nersornaaserneqarpoq.