Myanmarimi siuttuusimasup eqqartuussaanermini oqaaseqarnissaa ilimagineqartoq

Myamarimi siuttuusimasup Aung San Suu Kyip eqqartuussissusserisui ilisimannittunik ataasinngornermi apersuisinnaanngussapput.
Maanna 75-nik ukiulimmut Aung San Suu Kyimut eqqartuussissutiginiarneqartunut tamanut pisuutinneqarpat ukiut qulit sinnerlugit parnaarussaasinnaavoq. Assi © : Ye Aung Thu/AFP/Ritzau Scanpix
Allattoq Ritzau
juunip 14-at 2021 09:29
Nutserisoq Jaaku Lyberth

- Ajunnginnerpaanik neriuuteqarpugut, kisianni aamma ajornerpaamik pisoqarsinnaanera piareersimaffigaarput.

Myamarimi siuttuusimasup Aung San Suu Kyip eqqartuussissusserisui, ataasinngornermi eqqartuussinissaq sioqqullugu aama oqarput.

Aung San Suu Kyi, sakkutuutut pissaaneq februarimili tigumassuk, illumi aneqqusaajunnaarsinneqarpoq.

AAMMA ATUARUK Myanmarimi sakkutuut Aung San Suu Kyi naalakkersuisunik uppisitsinerminni tigusarigaat

Myanmarimi pissaanermik tigumiartut Aung San Suu Kyi pissutsinik arlaqartunik pisuutippaat.

Ilaatigut siorna qineqqusaartoqarnerani coronamik killilersuinernik unioqqutitsimasutut akuersissuteqaranilu walkie-talkienik peqarsimaneranik pisuutinneqarpoq.

Aung San Suu Kyi illumit aneqqusaajunnaarmalli eqqartuussissuerisuisa marloriarlugu ataatsimeeqatigisinnaasimavaat, taakkualu eqqartuussineq juulip ulluisa 26-at tikitsinnagu naammassineqarumaartoq naatsorsutigaat.

Juulip ulluisa 26-ata tungaanut ataasinngornerit tamaasa eqqartuussisoqartassaaq.

Maanna 75-nik ukiulimmut Aung San Suu Kyimut eqqartuussissutiginiarneqartunut tamanut pisuutinneqarpat ukiut qulit sinnerlugit parnaarussaasinnaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk