Myanmarimi pissaanermik arsaarinnittunut akerliussutsimik takutitsisoqartoq
Sakkutuunut akerliussutsimik takutitsisut ullut aappassaa ingerlaannartumik takutitsipput, sakkutuummi innuttaasut qinigaat, Aung San Suu Kyi peersimmagu innuttaasut kamaqaat.
Myanmarimi tamat oqartussaaqataaneq utertinneqaqqinnissaata tungaanut akerliussutsimik takutitsiniarlutik, akerliussutsimik takutitseqataasut ilaat oqarpoq.
- Piniinnassaagut piumasaqassaagut, tamat oqartussaaqataaqqilernissatta tungaanut. Sakkutuut kisermaassillutik naalakkersuiunnaarnissaat tikillugu, 37-nik ukiulik, akerliussutsimik takutitsisut ilaat, Myo Win Ritzauimut oqarpoq.
Internetimut attaveerutsinneqartut
Akerliussutsimik takutitsisut nittartakkatigut attaveqatigiissinnaanerat kipiniarlugu, Myanmarimi sakkutuut pissaanermik arsaarinnittut, internettimut attaveqaatit kipivaat.
Akerliussutsimik takutitsinerit unitsinniarlugit ilaatigut sakkutuut attaveqaatinik matusipput. Taamaakkaluartorli inuit tusindilikkaat akerliussutsimik arfininngornermi sapaammilu takutitsipput.
AAMMA ATUARUK Myanmarimi sakkutuut Aung San Suu Kyi naalakkersuisunik uppisitsinerminni tigusarigaat
Akerliussutsimik takutitsisut amerlanersaat aappalaartunik atikkersorsimapput, taanna qalipaat, Aung San Suu Kyip partiiata NLD-p Den Nationale Lige for Demokratip qalipaatigaa.
