Myanmarimi mattuttut tallimat inuillu pingasut toqutaapput

Democratic Voice of Burma-p radioanit nalunaarutigineqarpoq, mattuttut tallimat inuinnaallu pingasut Myanmarip illoqarfiisa pingaarnersaani Rangoonip aqquserngini toqutaasimasut. Oqaatigineqarportaaq aallaasersortoqarnerani inuit 17-it allat ikiligaasut.

Ullaap tungaa oqaatigaarput sakkuttuut anaattat gassillu qulliliornartut atorlugit mattuttut akerliussutsimillu takutitsisut allat saassukkaat. Ikinnerpaamik mattutut 200-it parnaarunneqartut, nutaarsiassaqartitsiviit nalunaarput.

Pisut pipput sakkutuut inuinnarnik tallimat sinneqartunik aqqusinerni ataatsimooqqusiunnaareersullu. Ataasinngormat marlunngormallu mattuttut inuinnaallu 100.000-it sakkutuut inerteqqutaat unioqqutillugit aqqusinerni katersuuttarsimapput.

Mattuttut buddhistiusut peqatigiiffianiit radiokkut oqaatigineqarpoq, mattuttut tallimat toqutaasimanerat. Radiomi aaqqissuisuusup Ritzauimut oqaatigaa, ulloq manna akerliussutsimik takutitsisut ajugaanerattut oqaatigineqartariaqartoq, pissutigalugu politiit aqqusinerniittut maanna tunuartersimalermata.

Nutaarsiassaqartitsivik democratic voice of burma-p nittartagaani pisunit assit takuneqarsinnaapput.

nittartagaq alakkarsinnaavat, ataani linkeq toorlugu