Myanmarimi ikiuiartortut piffinnut avinngarusimasunut anngupput
Nunami allameersut Myanmarimut ikiuigasuariartortut ullaaq manna Irrawaddydelta-mut Myanmariittumut kiisami anngupput, taakku sakkutuut ikiorsiullugit ajunaarfiusoq ammarniartussaavaat tassaniippullu inuppassuit millionillit, sapaatip-akunneri pingasut qaangiummatali anorersuarmik kaavittuliortumik eqqugaanermi kingorna, suli ikiorneqarsimanngitsut.
Inuit 133.000-t ajunaarsimasut maqaasineqartullu nalunaarutigineqarsimapput.
Allattoq Louise M. Kleemann
maajip 27-at 2008 07:49
- Soorunami iluareqaarput avataaniit takkuttunit ikiorneqartussanngornerput, taama unicefip oqaaseqartartua Bangkokimiu issuarneqarpoq.
Taamatuttaaq allat ikiuigasuartartut taavunga aggiapput ikiuiartorlutik ilaatigut soorlu Nakorsat killeqanngimik ikiuisartunik taagorneqartartut, allallu nunarsuarmi allameersut ikiuerusullutik aggiasimapput.
Nunat tamalaat kattuffiisa aalajangiusimavaat inuit ekspertitut taaneqartartut ikiuiartortut aallartinneqassasut.
Inuit ajunaarnermit eqqugaasut 2,4 millionit missaanniittut naallioqalutik nerisassanik nakorsaatinik assigisaannillu pisariaqartitseqisut FN-imiit erseqqissaatigineqarpoq.
