Myanmarimi ajunaartut eqqaaniarneqarput

Sakkutuut kisermaassillutik naalakkersuisuusut ajunaarnerup annertussusia arriikkaluamik nalunaarsorniarsarilerpaat. Myanmarimi tusagassiorfiit kisermaassillutik naalakkersuisunit nakkutigineqartut, nunap kujasinnerusuani anorersuup eqquinerpaaffiani ikinnerpaamik 133.00-it ajunaarsimanissaat nalunaarutigaat.

Nunanit allaniit ikiuiniarneq killilimmik ingerlanneqarpoq, taamaattorli kisermaassillutik naalakkersuisut ikiuiniartunut ammanerulersimasut oqaatigineqarpoq.

Naalagaaffiit Peqatigiit qullersaata Ban ki-Moonip Myanmarip kujataa, ajunaartoqarfiunerpaasoq tikeraarniarpaa. Kisermaassillutik naalakkersuisut siuttuata Than Shwe-p sapaatip akunnerata siuliani Naalagaaffiit Peqatigiit qullersaannitk oqaloqateqarnissani pinaveersaarsimagaluarpaa.

Ban ki-Moon tikeraarniarpoq, sapaatip akunnerata naanerani Naalagaaffiit Peqatigiit Kangiatalu Kujataani suleqatigiiffiup, Aseanip, Myanmarip illoqarfiisa pingaarnersaani Yangonimi ataatsimeeqatigiinnissaat sioqqullugu.