Muuamaat ilaqutarinerarlugu oqartarneq uppernannginnerarneqarpoq

Arabiamiut suliniaqatigiiffissuisa pruffiiti Muuamaat ilaqutarinerarlugu oqaraangata upperinnginnissaat pissutissaqarluarpoq. Muslimit upperisaanik ilisimatusartut arlallit taama isumaqarnerarlugit aviisimi Kristeligt Dagbladimi oqaatigineqarpoq.
Allattoq Elisa Isaksen
marsip 04-at 2010 07:45

Taama nalunaaruteqartoqarpoq Aviisi Politiken qanittukkut Arabiamiut suliniaqatigiiffiinut arfineq-pingasunut utoqqatsereersorlu, taamatut utoqqatsertoqarpoq, aviisip Kurt Westergaardip Muuamaat ilaarutigalugu titartagai naqeqqereeraalu taamalu Araberit suliniaqatigiiffiinik narrunarsaasutut oqaatigineqareersorlu.

Araberit nunani tamalaani suliniaqatigiiffissuisa ilaatigut Saudi-Arabiameersup aamma Igitsinimeersup oqaatigigaluarpaat, ilaasortatik 95.000-iusut pruffiitip Muuamaap kinguaarigai uppernarsarsinnaallugu.

- Pruffiitimik siuaasaqarnerarneq pututitsiniarneruvoq ilisimaneqarluareersoq, soorlu aamma juuterpassuit uukapaatitsillutik oqartartut palasiunerullutik. Muslimit amerlanersaasa pruffiitimik siuaasaqarnertik uppernarsarsinnaanngilaat, taama oqarpoq Jeruusalaami juutit universitetianni ilinniartitsisoq Mosche Sharon.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq