Muuamaakkut qatanngutigiinniat tigusaapput
Unnuaq tigusaasimasut illersuisup oqaatigaa.
- Naatsorsorneqarsinnaalluarpoq sooq tigusaanersut, tassami ualimut akerliussutsimik takutitsisoqartussaanera pissutaavoq, illersusioq Reuters-imut oqarpoq.
Det Muslimske Broderskabimut saassusisoqartussaasoq oqartussanit unnuap ingerlanerani peqqussutaasimasoq, aterminik isertuusseqqusisup oqaatigaa. Taanna tusagassiutinut isertortumik nalunaartartuuvoq politiiullunilu:
- Peqquneqarpugut muuamaakkut qatanngutigiinniat saassutissagigut, tamannalu sillimaniarneq peqqutigalugu iliornerusoq oqarfigineqarluta, politeeq Reutersimut oqarpoq.
Nutaarsiassaqartitsivik AFP-p paasisai naapertorlugit, tigusaasut ilagaat Inatsisartuni ilaasortaasimasut tallimat aamma Det Muslimske Broderskabimi qullersat pingaarutillit tallimat.
Egyptenimi akerliussutsimik takutitsinermi Det Muslimske Broderskab-imiit suli peqataasoqartarsimanngilaq. Akerliussitsimik takutitsinerit inuusuttunik kamattunit inuuniarnerminnillu ajornartorsiuteqartunit, tassa suliffissaqanngitsunit aaqqissuunneqartarsimavoq. Taakku piumasaraat nuna naalagaaniarnermik aqunneqassanngitsoq.
