Muslimit palasiat peqqissimisoq
Ahmed Akkari Muslimillu palasii allat peqatigalugit kangiani qiterlermi pruffiiti Muhammed Danmarkimi aviisimi jyllandspostenimi titartarneqarsimanera pillugu 2006-imi paasisitsiniaajartorput.
Maannalu kingunerisai eqqarsaatigalugit Ahmed Akkari peqqissimisoq, Danmarkimi aviisimi Berlingske tidende-mi allaaserinnittoqarpoq.
- Pisut nuanninngitsut pillugit inuit akerliussutsimik takutitsipput, kingunerisimasaali uanga takorloorsimanngisaannarpakka, Ahmed Akkari oqarpoq, nassiaallunilu akerliussutsimik takutitsinerup Danmarkimut kingunipilui siusinnerusukkut takorloorsimasinnaasuugaluarunigit immaqa kangiani qiterlermi titartakkat pillugit paasisitsiniaaneq pisimassanngikkaluartoq.
Ahmed Akkari upperisarsioqatigiit musliimit amerlanerpaartaanut tunngasumik uparuaanerminut atatillugu peqqissiminini saqqummiuppaa
- Danmarkimi muslimisut upperisarsioqatigiit siammasissumik ilisimasaqarfigaakka, Ahmed Akkari oqarpoq nassuiaallunilu musliimisut upperisarsioqatigiit itsarnisatut eqqarsartaaseqartut.