Mumitsissut 100439-mik normulik igiguk utertilluguluunniit
Atortunik plastikkitalinnik angerlarsimmaffitsinni ulluinnarni atuingaatsiartarpugut, soorlu igasimagutta igaavut niutsivimmut niunialerutsigik qajuutaasannguaq mumitsissut atortarparput. Mumitsissut aalajangersimasoq atorunnaaqqullugu Inuussutissaqarnermut Aqutsisoqarfimmiit atuisunut kaammattuutigineqarpoq. Mumitsissut taanna aalajangersimasoq misissuivigereerlugu paasineqarpoq plastikkitaa tipigissortaqarami navianartortaqartoq.
oktobarip 17-at 2007 15:26
Akuutissat taakku plastikimi atorneqartartut kræfteqalissutaasinnaasut pasineqarput.
Mumitsissut aalajangersimasoq pineqartoq saviminermit manngertornerneq ajortumit sanaajuvoq, mumisitsissutaa plastikimit qernertumit sanaajuvoq normoqarporlu 100439.
Mumisitsissut Imercop Pilersuisullu Sisimiuni, Qaqortumi, Aasianni, Uummannami, Tasiilami, Upernavimmi, Illoqqortoormiuni, Qaanaami, Kangerlussuarmi, Narsarsuarmi Nuummilu pisiniarfiini nioqqutaavoq. KNI Pilersuisoq A/S aamma pisiffik A/S kalerrinneqareerput.
Mumisitsissummik taamaattumik 100439-mik normulimmik atuisut kikkulluunniit qinnuivigineqarput pisiniarfimmut pisiffigisimasaminnut paleti uterteqqullugu, imaluunniit igeqqullugu.
