Ullorissat anaat amerlasuut ulluni makkunani takuneqarsinnaasut
Ullorissat anaat amerlasuut takuneqarsinnaassapput, aamma nunatsinnit.
Ullorissat anaat amerlanerpaaffiisa nalaani ullorissat anaasa akunnermut 150-it nunarsuatta silaatigoortarnissaat ilimagineqarpoq.
Ullorissat anarpassuisa ataatsimoortukkuutaartut silaannarsuarmi aqqutaat nunarsuup ukiut tamaasa decembarimi saneqquttarmagu ullorissat anarpassui decembarimi takuneqarsinnaasarput.
Tamannali qaammatip imissinnerani ukioq manna pissammat, ullorissat anaat qaammatip qaamaneranit takujuminaassinnaassasut, DTU Spacemeersoq Michael Linden-Vørnle oqarpoq.
Imaanngilarli ullorissat anaat takuneqarsinnaanavianngitsut. Qaamanerpaalli kisimik takuneqarsinnaassapput.