Mugabemik tunuaqqusineq ingatsikkiartorpoq
- Robert Mugabep præsidentitut tunuarnissaa piffissanngorpoq. Amerikap nunanut allanut ministeria Condoleezza Rice Københavnimi ullumi taama oqarpoq.
- Tamanna erseqqarereertigisoq nunarsuarmioqataasunit akerleriissutigineqarsinnaanngilaq, Condoleezza Rice oqarpoq.
Zimbabwemi naalakkersuisut tamatumunnga akissuteqassallutik pinasaanngillat:
- Zimbabwe naalagaaffiuvoq namminersortoq, nunat pissaanilissuit nunanut allanut ministeriannit allanilluunniit aqunneqartussaanngitsoq, Zimbabwep paasissutissiinermut ministeria, Sikhanyiso Ndlovu, Ricep oqaasiinut akissuteqarluni franskit nutaarsiassaqartitsiviannut AFP-mut oqarpoq.
EU-p Afrikallu siuttuisa Mugabe kisermaassilluni naalakkersuisuunerminit tunuarnissaa piumasaraat.
Manna tikillugu kisermaassilluni naalakkersuisup taassuma 84-inik ukiullip politikkikkut aporaattoqarnerani illuatungiliuttut suleqatigerusussimanngilai.
