Mozartip erinniai Katuami
Avannaamioqatigiit erinarsoqatigiivisa operartartunik nipilersortartunillu ilaqarlutik Mozartip niaqorusiineq pillugu erinarsugassiaa poorskimi tusarnaartitsissutigissavaat.
Katuami apilip pingajuanni sisamaannilu tusarnaartitsisoqassaaq avannaamioqatigiillu erinarsoqatigiivi operartartunik nipilersortartunillu nunani avannarlerneersunit 22-init ingiorneqassallutik.
Operartartut tassaapput qatitoortoq Jørn Pedersen, qatituup tulleertoq Sune Rémi Hjerrild qataattumullu tulleertoq Pernille Bruun Dyreborg, tamarmik Kongelig Teaterimi Københavnimiittumi atorfeqartut, kiisalu Islandimiu Thórunn Elin Péturdóttir.
Nunatsinniit peqataassapput kalaaleq operartartoq Ida Heinrich, angiartartoq Hanne Qvist klarinettimik qarlortartartoq Birgitte Jacobsen aamma qarlortartartoq Kristin Isholm.
Avannaamioqatigiit erinarsoqatigiivisa tusarnaartitsinissaq ukiuni marlunni piareersarsimavaat Mozartillu niaqorusiineq pillugu erinarsugassiaa nunatsinni aatsaat tuarnaartitsissutigineqassalluni. Erinarsoqatigiit Bente Colding-Jørgensenimit siulersorneqassapput.
