Mount Everest pequerfiunngilaq

Takornariat nullutik qulaarlugit qaqqasiutinik kamippalerlutik nunarsuarmi qaqqat portunersaannik Mount Everestimik qaqisiniarsarisartut Nepalimi pisortat qatsutivissimavaat.
Allattoq Elisa Isaksen
septembarip 26-at 2007 17:44

taamaattumik pilikallutik rekordiliiniartarnerit maanna inerteqqutigilerpaat.

Qaqqarsuarmi, ukiut ingerlanerini qaqqasiortut 200 sinnillit ajunaarfigeriigaanni, eqqumiilliartuinnartunik rekordileeriartartut amerliartuinnarmata pisortatigut killilersorniarneqalerput.

Qaqqasiortartoq Nepalimioq soorlu siorna rekordiliinerarpoq, qulinik issittoq nunarsuarmi qaqqat portunersaata, 8.848 meterisut portutigisup qaavani minutserpaalunni mattaangasimagami.

Edmund Hillaryp Mount Everest 1953-imi siullerpaalluni qaqimmaguli rekordiliiniartut eqqumiilliartuinnavissimapput. Assersuutigalugu Pukkitsormioq qarleeraannaalluni qaqiniarnikuuvoq.

Tappiitsoq siulleq ataasiinnarmillu niulik aamma nunarsuarmi qaqqat portunersaannut qaqisisutut rekordiliinikuupput. Nepalimiut aappariit aamma siullerpaallutik Himalayap qaavani 2005-imi katipput.

Nunatsinni Sermitsiami, Nasaasaami Uummannalluuniit qaqqaani immaqa ilaarserusuttoqaraluarnerpoq?!

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq