Biilit innaallagissamik ingerlatillit 2021-mi sukkaniutsinneqassapput

Biilit nunatsinni siullerpaamik sukkaniutsinneqartussanngorput. Biilit innaallagissamik ingerlatillit E-SUV-t, Extreme E--seriamik taaneqartartumik Kangerlussuarmi 2021-mi sukkaniutsinneqassapput.
Inuussutissarsiornermut, nukissiuuteqarnermut ilisimatusarnermullu naalakkersuisup, Jess Svanep, Extreme E-mik pilersitsoq, Alejandro Agag assiliseqatigigaa.
Allattoq Jens Betak
aggustip 31-at 2019 16:45
Nutserisoq Mads Lynge

Naalakkersuisut nittartagaanni tamanna takuneqarsinnaavoq.

Extreme E-seria nunarsuaq tamakkerlugu sukkaniuffiuvoq, sumiiffinni assigiinngitsuni tallimani sukkaniuttoqartassalluni. Kalaallit Nunaannilu sukkaniuttoqartalernissaanut aalajangerneq tunuliaqutaqarpoq.

Nunarsuarmimi sumiiffiit silap pissusiata allanngoriartorneranit eqqorneqarsimasut, Extreme E-seriamik aaqqissuisut takutinniarpaat. Nunarsuarmi sumiiffiit tallimat sukkaniuffigineqarsinnaasutut aaqqissuisunit misissorneqarput.

tasssaapput Kalaallit Nunaat, Himalayap qaqqarsui, Saharami inoqajuitsoq, Amazonasip orpippassui, Indiallu Imarpissuani qeqertat ilaat. Sumiiffiit pineqartut silap pissusiata allanngoriartorneranit eqqorsimasunut ilaapput.

Sukkaniunnerit ulluni pingasuni ingerlanneqartassapput nunaminertap annerpaamik 10 km2-iusup iluani.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq