Danmarkip Ruslandimi aallartitaa, Moskvamiittoq Poul Jacob Erikstrup DR-imut taama ilisimatitsivoq.
- Nunap immikkoortuisa ilaannut, ilaatigut Moskvamut angalanissaq pinaveersaaqquarput, tassami tamaani silaannaap mingutsinneqarnera ima qaffasitsigimmat, allaat peqqissutsimut ajoqutaasinnaalluni, Poul Jacob Erikstrup oqarpoq.
DR-imit oqaatigineqarpoq, pissutsit tamaani sapaatip akunnerata naanerani pitsaanerulersimanngitsut. Tassami ullup unnuallu kingulliup ingerlanerani orpippassuarni ikuallannerit 244-t qaminneqarput, peqatigisaanilli ikuallannerit nutaat 290-it naammattoorneqarlutik.