Moskva putsumit ulinneqarsimavoq

DR-ip nutaarsiassaqartitsivianeersup Matilde Kimer-ip illoqarfiup mingutsinneqarnera malugisinnaalluarpaa.

- Minutsini qulini aqqusinermiikkama isikka ungillerput, nalunaaquttallu akunnera ataaseq aqqusinermiikkama merianngulerlunga, Matilde Kimer oqaluttuarpoq.

Moskva 40 gradit angullugit kiattaleruttortoq, qaammatinilu marlunni siallersimanngitsoq, putsumit eqqugaavoq. Matilde Kimerip oqaatigaa, allaanngitsoq pujortarneq ajorluni, imerniartarfimmut putsumik ulikkaartumut iserluni - matumanili silamukariarluni silaannarissarsinnaannnginneq ajoqutaaginnarluni.

Allaammi illup iluaniikkaluarluni pujoq mingutsitsinerlu malugineqarsinnaapput.

- Pisiniarfissuarmiikkama pisiassat ilisivinni tunorlerniittut takusinnaanngilakka, Matilde Kimer oqarpoq.

Naartusut inuillu anersaartorniarnermikkut ajornartorsiortut silamukannginnissaannik kajumissaarneqarput.

Moskvami anernerup qanoq ulorianartigisinnaaneranik paasissutissanik Danmarkip aallartitaqarfia pissarsiniarsarivoq. Qallunaat aallartitaqarfimmi sulisut silaannaap peqqissutsiminnut akornutaasinnaanera toqqissisimanartinngilaat.

Moskvami silaannaap mingutsinneqarnera ima sakkortutigaaq, allaat tamanna ullormut sikaritsinik hunnorujunik arlalinnik pujortarnerup assigigaa, immikkut ilisimasallit oqaatigaat.

Ruslandimi oqartussat ikuallannerit 750-it Ruslandimi sumi tamaaniittut qaminniarsaraat. Taakku amerlanersaat nunap kippasinnerusuaniipput. Ikuallannerpassuarnut atatillugu inuit 50-it angullugit ajunaareerput.