Moses Olsen 70-inik ukioqalerpoq
Moses Olsen 1971-imi Folketingimut qinigaanermigut Kalaallit Nunaat nutaanik eqqarsartunik inoqartoq takutilluarpaa, suliaasami siulliit ilagaat, Danmarkimi naalakkersuisuusut socialdemokratit issiaannarnissaat. Pingaartumik aamma ammaanermi oqalugiaataa Kalaallit Nunaat nutaaq pillugu danskit isaannik uisitsivoq.
Jonathan Motzfeldt Lars-Emil Johansenilu peqatigalugit 1977-imi partii Siumut pilersippaa kingornalu Namminersornerullutik Oqartussat pilersinneqarmata naalakkersuisooqataasarsimalluni.
Moses Olsen politikeritut ullumikkut sulinngikkaluarluni inuiaqatigiinni oqallissaariuarnermigut allaallumi nunarsuarmioqataanerup kalaallinit eqqaamajuarneqarnissaa suaartaatigiuarpaa, oqarluni inuiaqatigiissutsimik pingaartitsivallaalerneq Siumumi maanna takussaavallaartoq mianersorfigisariaqalersoq, piviusut tunngavialugit nunarput ingerlattariaqarmat.
