Montenegromi innuttaasut akerliussutsimik takutitsipput
Inuit 100-likkaat Montenegrop illoqarfiisa pingaarnersaanni Podgoricami akerliussutsimik takutitsisut sakkortuuliulermata politiinit avissaartinniarneqartariaqarsimapput, gassi qulliliornartoq atorneqartariaqarsimalluni.
Allattoq Louise M. Kleemann
oktobarip 14-at 2008 08:15
Montenegromi naalakkersuisut Kosovop naalagaaffittut akuersaareeraallu inuit akerliussutsiminnik takutitsisut imaaginnavissimapput. Inuit ikinnerpaamik 34-t ikilertiterput, taakkunannga politiit 23-t.
Serbiamiut Montenegromi najugallit 10.000-it missaat Montenegromi naalakkersuisunut akerliunertik ippassaq takutippaat, Kosovop naalagaaffittut akuersaarneqarnera tunuarteqqullugu.
Kosovop naalagaaffittut akuerineqarnissaa Montenegromi naalakkersuisut sisamanngormat aalajangerpaat.
