Mona Lisap isertuussaa paasiniarneqalerpoq

Mona Lisa ukiuni hornorujulippassuarni oqallisaanikooqaaq assortuussutaallunilu, ingammik paatsuunganartumik qungujulanera. Paasisimasalippassuit qangali eqqoriartarpaat Leonardo da Vinci imminut qalipassimasoq. Tamannalu uppernarserusullugu italiamiut eqqumiitsuliortut qinnutigisimavaat da Vincip timaa qaqikkusullugu.

Eqqumiitsuliortut neriuutaat tassaavoq Leonardop niaquata saarnga Mona Lisallu kiinaa imminnut assersuunnissaat.

Aviisip Jyllandspostenip nittartagaani allaaserineqarpoq da Vincep timaata qaqinneqarnissaanut illussaarsuarmiit Frankrigimilu kulturimut ministeriaqarfmmiit akuersissut takkutingajalersoq, taamaammat aasaru immaqa assaasoqalersinnaajumaartoq.

Apeqqutaalerporli ilivermiittoq ilumut Leonardo da Vinciunersoq, tamannalu tassa assaanikkut, saarngisalu misissorneratigut paasiniarneqassaaq. Aviisip Jyllandspostenip nittartagaani tamanna allaaserineqarpoq.