Mogadishumiut sakkuutitik tunniukkumanngilaat

Somaliap illoqarfiisa pingaarnersaanni Mogadishu-mi akerliussutsimik takutitsinerup kingunerisaanik maanna taavani naalakkersuisut aalajangerpaat innuttaasut sakkuutaasa arsaarinnissutigineqarnissaannik pilersaarutertik kinguartikkitsik.

Akerliussutsimik takutitsisoqarnerani inuit marluk toqutaapput 17-t aqqunartiterput, akerliussutsimillu takutitsisut biilit tillinniarfigalugillu ikuallattarpaat aallaasiminnillu tunniussiumanngiivillutik.

Akerliusut etiopiamiut siuttuinut nilliallutik akerartuipput. Taakku Islamit sakkutuui akiorlugit Somaliamiut sakkutuuinut ikiuussimanerarlugit.

Somaliami eqqissisoqarnissaanut inuppassuit sakkunik aallaasinik assigisaannillu pigisaqarnerat akornutaasarsimaqimmat Mogadishumi pilersaarutaagaluarpoq nunap sinnerani inuit sakkuinik arsaartorneqassasut

Somaliami naalakkersuisut siuttuisa Mogadishumi innuttaasunut qanittukkut kaammattuutigigaluarpaat, innuttaasut namminneerlutik sakkuminnik tunniusseqqullugit.

Innuttaasulli annilaanganertik pissutigalugu sakkuminnik tunniussiumasimanngillat.