Modernap akiuussutissaliaa Danmarkimi atulertoq
Danmarkimi nunap immikkoortuata Region Syddanmarkip, Naalagaaffeqatigiinni siullersaalluni amerikamiut nakorsaasiorfiata Modernap coronavirusimut akiuussutissaliaa atulerpaa.
Nutaarsiassaqartitsivik Ritzau taama allappoq.
Region Syddanmark Modernap akiuussutissaliaanik 4800-nik pissarsisimavoq.
Modernap coronavirusimut akiuussutissaliaata nunatsinni atorneqalernissaa qilanaaralugu, nunatta nakorsaanerata siusinnerusukkut oqaatigereerpaa.
AAMMA ATUARUK Covid-19-imut nunatsinni akiuussutissiissutaasoq pillugu ilisimasaqarnerulerit
Modernammi akiuussutissaliaa Pfizer/BioNTechip akiuussutissaliaanut, nunatsinni maanna atorneqartumut, naleqqiullugu atoruminarnerullunilu assartoruminarneruvoq.
Modernap akiuussutissaliaa aamma passukkuminarnerusoq, Vejlemi akiuussusersuiffimmi nakorsaq tassanilu aqutsisoq Peter Ivan Andersen isumaqarpoq.
Pfizer/BioNTechip akiuussutissaliaanut sanilliullugu nillernerusumi toqqortaatigineqartariaqanngilaq, nillataartitsivimmilu nalinginnaasumi ulluni 30-ni toqqortaatigineqarsinnaalluni.
