Mobilit qinngorneri ulorianartut nalunaarsulerpaat
Aviisip Berlingske Tidende-p nittartagaani ilaatigut aamma ima allaaserisaqarput.
Illoqarfiup siunnersuisoqatigiivi aalajangiipput, mobilit atorneqarnerisa toqussutaasinnaasumillu kræfteqarnerup ataqatigiissinnaanerat pillugu ernumaneq tunngavigalugu San Fransisco, USA-mi illoqarfinni siullersaalluni, mobilinik ulorianartunik qinngornilinnut iliuuseqarput,
Tamanna pivoq mobilit qinngornerisa kræftillu ataqatigiinnerat pillugu Tuluit Nunaanni, Frankrigimi, Tysklandimi Israelimilu mianersoqqussuteqartalerneq USA-mi paasineqarmat.
Naalakkersuinermik suliallip Republikaneriusup aalajangerneq suli misissuisoqaqqinnissaanut aqqutissiuiumaartoq neriuutigaa.
- Misissuineq ataasiinnaq tunngavigalugu taama isummertoqanngilaq, pineqartorlu pingaaruteqartoq pillugu paasisaqarnerunissaq pisariaqarmat suli misissuisoqartariaqarpoq, Edward Markey oqarpoq.
