Mittarfiliassat aningaasanut inatsit pissutigalugu kinguartinneqartut
Pilersaarutaasoq malillugu Ilulissani Nuummilu mittarfittaassat 2021-mi ammarneqartussaagaluarput, Qaqortumilu mittarfittaassaq 2020-mi. Aningaasanulli inatsisip akuersissutigineqarneratigut pilersaarutit taakku kinguartinneqarput.
Pilersaarut nutaaq malillugu illoqarfiit pineqartut pingasut mittarfittaatik 2022-mi atoqqaarfissiorsinnaassavaat.
AAMMA ATUARUK Naalakkersuisut 2,1 milliardit koruunit mittarfinnut aningaasaliissutiginiaraat
Piffissamut pilersaarut nutaaq aningaasanut inatsimmi mittarfiit aningaasalersorneqarnissaat pillugu pilersaarummut anginerusumut atatillugu naalakkersuisooqatiginnit sapaatit-akunnerata siuliani akuersissutigineqarpoq. Allannguutaasorlu Kalaallit Airports A/S-ip pisortaanerata nuannaarutigaa.
- Piffissamut pilersaarut pitsaaneruvoq. Pilersaarut siulleq tamaviaarnarnerugami. Suliassaq naammassisinnaagaluarparput, sanaartornerulli annertuallaalersinneqarsinnaanera
aarlerinaateqarluni, Steffen Ulrich-Lynge taama oqarpoq.
Mittarfittaassat aningaasalersorneqarnerat pillugu paasissutissat amerlanerusut uani pissarsiarineqarsinnaapput.
AAMMA ATUARUK Danske Bank mittarfiliornissamut aningaasaliisussarsioqataassaaq
AAMMA ATUARUK Mittarfiit allamiunik sulisoqarluni sanaartorneqassasut
