Assi: Nauja Møller

Mittarfiit ilaat pilersinneqarsinnaapput

Pisortat namminersortullu avitseqatigiillutik Nuummi Ilulissanilu mittarfiliortiternissaat piviusorsiortuunerusoq, aningaasarsiornermut professori Torben M. Andersen naliliivoq

Namminersorlutik Oqartussat mittarfiliornissaminnut namminneerlutik aningaasaliinissaat piviusorsiunngilaq.

Taamaammat pisortat namminersortullu avitseqatigiillutik OPP-mik, tassa pisortat namminersortullu suleqatigiinnermik isumaqatigiissutit aqqutigalugit mittarfiliortiternissaq piviusorsiortuuneruvoq.

Taamaattoq namminersortut mittarfilioqataanerminni pissarsiaqarnissartik piumasarissavaat, taamaammallu mittarfiit isertitaqarluarnissamut periarfissaqarnerusut suleqataaffigineqarusussallutik, aningaasarsiornermut professori, Torben M. Andersen naliliivoq.

Aamma atuaruk Mittarfiit marluk sanaartornermi ataatsimiititaliap salliutippaat

- Mittarfilioqataarusuttussat niuernermut atasumik peqataarusussammata, Nuummi Ilulissanilu taamatut suleqatigiinnikkut mittarfiliornissat ilimanarneruvoq, pisortat namminersortullu avitseqatigiillutik mittarfiliornissaannut Naalakkersuisut pilersaarutaat pillugit, Torben M. Andersen oqarpoq.

Nunatta karsiani aningaasat naammanngimmata Namminersorlutik Oqartussat namminneerlutik mittarfiliorsinnaanngillat, Nordisk Investerinsbankimullu taarsigassarsianut pituttuisumik isumaqatigiissutaat malillugu, naammattunik aamma taarsigassarsisinnaanatik.

Aamma atuaruk Mittarfiit takisuut inassutigaat

Mittarfiliornissanulli pilersaarusiap ilamernga namminersortunit aningaasaliiffigineqarneratigut tamanna piviusunngortinneqarsinnaavoq taamatullu mittarfiliornermi suut akornutaasinnaasut namminersortunit akisussaaffigineqassallutik.

Mittarfiliornerilli iluatsissappata tamanna aningaasaliisunut aamma iluaqusiisussaassaaq.

- Mittarfiliornerni akornutaasinnaasunik amerlanernik isumaginnittoqassappat, taakku aamma akilerneqartussaapput. Akisussaaffimmillu tigusisoqarniarpat mittarfiliornerillu akisunaarneqassappata aningaasanik annaasaqarnissaq namminneerlutik akisussaaffigisariaqarpaat, Torben M. Andersen oqarpoq.

Taanna aamma oqarpoq, suliffeqarfiup namminersortup ataatsip mittarfiliornermi suliassat tamaasa suliarisinnaanissai qularalugu. Suliffeqarfiillu namminersortut arlallit suleqatigiinnerisigut mittarfiliortoqassasoq, professorip ilimagineruaa.

- Suleqatigiinnik assigiinngitsunik suliassalinnik pilersitsisoqassasoq piviusorsiornerpaavoq. Ilaasa aningaasaliineq isumagissavaat allat pilersaarusiamut taamaattumut ilisimasatik atorlugit suleqataassallutik, aningaasarsiornermut professori, Torben M. Andersen naliliivoq.

Aamma atuaruk Mittarfiit naalakkersuisoqatigiinnit isumaqatigiissutigineqarput

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat