Mittarfeqarfinni atortut ajoquteqarnerat aamma angallannermut kinguaattoortsitsipput
Nuummi kangerlussuarmilu silarlutsillugu milernermi sumiissusersiutit, Mittarfeqarfinnit akisussaaffigineqartut atorneqarsinnaasimanngimmata silarlutsillugu timmisartut missinnaasimanngitsut oqaatigineqarpoq. Air Greenland toqqissisimanartumik timmisartuussisarusukkami atortut ajoquteqannginnissaannik sukannersunik piumasaqaateqarpoq, taamaammallu mittarfinni atortut piumasaqaatinut naapertuuttunik mittarfiit atortoqartariaqaraluartut. Taakkua saniatigut, soorlu Maniitsumi, Aasiani, Sisimiuni Nuummilu timmisartunik sikuiaasoqarsinaanngimmat angallassinissaraluit ilaat taamaatinneqaanartartut.
Ulluni kingullerni timmisartuussinissanik unitsitsiinnartarnerup kinguneranik miliuuni koruunit sinnerlugit Air Greenland annaasaqarsimavoq, atortut ajoquteqanngitsuuppata annaasaqaataasariaqanngikkaluartut.
Qaammatini kingullerni pissutsit akuerineqarsinaanngitsut, angalaniartullu pakatsisinneqartarnerat pissutigalugit Air Greenland, Angallannermut Qullersaqarfik Mittarfeqarfiillu peqatigalugit maanna aaqqiissutissanik ataavartussanik nassaarniarlutik, Air Greenlandip unukkaa tusagassiuutinut nalunaarutigaa.
