Mittarfeqarfiit Air Icelandilu isumaqatigiissuteqarput

Mittarfeqarfiit timmisartuutileqatigiiffillu Air Iceland isumaqatigiissuteqarnermikkut, nioqqutissanik Kalaallit Nunaannut eqqussuineq sapernannginnerulersinniarpaat.
Allattoq Carla Davidsen
maajip 21-at 2014 07:22

Ingerlatseqatigiiffiit taakku marluk akornanni suleqatigiinnissamut isumaqatigiissuteqarnermikkut ajornannginnerusumik assartuisoqartalissaaq aamma Nunatsinni mittarfinni sisamaasuni assartuinermik suliat pitsaanerulissapput.

Isumaqatigiissutinut nutaanut atatillugu Kulusummi Mittarfik sermernaveersaammik de-icerimik atornissaminik Air Icelandimit periarfissinneqarpoq.

Tamassuma kingunerisussaassavaa timmisartut ikinnerusut kinguaattoortarnerat, ilutigalugulu assartukkanut passusseriaatsinik nutaanik aaqqissuussisoqassaaq, taamaaliortoqarneratigut Nunatsinnut avammullu nioqqutissanik pisariinnerusumik eqqussisoqartalissalluni.

Mittarfeqarfinnit tusagassiuutinut nalunaarummi allassimasut naapertorlugit, siunissaq ungasinnerusoq eqqarsaatigalugu, aalisakkanik nutaajulluinnartunik Nuuk Ilulissallu aallaavigalugit nunanut allanut tunisanik timmisartukkut assartuisoqartalersinnaassaaq.

Sermernaveersaatip, Kulusummut ukioru tikittussap, saniatigut, assartuinermik suleqatigiinnerulernissap saniatigut isumaqatigiissutit aamma imaraat, Mittarfeqarfimmi assartugalerinermik sulisuisa ilinniartinnerat Air Icelandimit ilinniartinneqartalernissaat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk