Mitit qiviui aningaasarsiorfigineqarluarsinnaapput

KNAPK allanik suleqateqarluni Ilulissat Upernaviullu eqqaani misiligummik mitit ivaffiinik illuaqqanik sanaartofigneqarnera iluatsippoq. Upernavimmi ivaffiit aaffai sinnerlugit ulluliorfigineqarput, Ilulissanilu meqqit ineqarfii uniorneqarsimammata nuunneqassapput. Meqqit qiviui kiilumut 5000 koruunit angullugit isertitsissutigineqarsinnaapput, tamannalu atorluarneqassaaq.
oktobarip 08-at 2009 06:01

- Upernaviup eqqaani 50 procentit sinnerlugit isertertoqarpoq taamaalilluta oqarsinnaavugut suliniutigineqartoq iluatsilluartoq, illuaqqat Kalaallit Nunaata silaannaanut tulluarsarlugillu mattuninngortillugit allanngortittussaassavavut, suliniumut atatillugu aqutsisoq, Aksel Blytmann oqarpoq.

Qiviut misiliutigalugu katersukkat pitsaassutsimut nalilerneqartussatut nassiunneqareerput, akissutisinissarlu qaammatip ataatsip iluani pissasoq naatsorsuutigineqarpoq.

Aksel Blytmanni-illu oqaatigisinnaanngikkallarpaa qiviunik katersineq qaqagu isertitsissutaasalerumaarnersoq, naalakkersuinikkut maleruaqqusaq mitinut tunngasoq 1953-meersoq kingullermi 1988-mi atorneqartoq suli nutarterneqanngimmat.

- Miteqarfiit akornuserneqannginnissaat innarlerneqannginnissaallu anguniarlugit inatsisinik tunngavissaqarnissaq suli amigaatigaarput, tassa naalakkersuisunut apuunniarneqartussaassooq pisortaqarfimminngaanniillu qanoq isikkulimmik, kikkullu katersisinnaassasut qulakkeeqqaarneqassaaq, Aksel Blytmann oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq