Avannaani qimmit nappaataannik nappaalasoqartoq pasitsaanneqarpoq

Uumasut Nakorsaqarfiup taamaammat inassutigaa Naajaani qimmit akiuussutissamik piaarnerpaamik kapitissasut.

Qimmeqatigiikkuutaallu imminnut qaninnguunnginnissaat pingaaruteqarluinnartoq taassuma saniatigut nalunaarutigineqarpoq.

- Qimmillit qimmitik paarilluassavaat, qimmilerinerminni sakkugisartakkatik allanut atortissanngilaat, allalluunniit atortui atussanagit, Naalakkersuisut nittartagaanni tamanna atuarneqarsinnaavoq.

Kalaallit Nunaanni Uumasut Nakorsaqarfiup Naajaani qimmiutilinnut kajumissaarutaat allat Naalakkersuisut nittartagaanni takuneqarsinnaapput, Uumasut Nakorsaqarfiullu erseqqissaatigaa qimmit akiuussutissamik aatsaat kapitissimappata virusimik tuniluunnartumik aatsaat napparsimatinnaveersaarneqarsinnaammata.

AAMMA ATUARUK Qimmiaqqat akiuussutissamik kapineqassasut

AAMMA ATUARUK Qimmit nappaataat Ilulissani tuniluutilertorpasittoq

AAMMA ATUARUK Qimmit nappaataata Ilulissanut anngussimanissaa aarleqqutigineqartoq