VIDEO Qimmit nappaataat Ilulissani tuniluutilertorpasittoq
Qimminik napparsimasunik videoliat aaqqissuisoqarfimmi pissarsiarisavut allaaserisami takuneqarsinnaapput. Qimmit videoliarineqartut kingorna toqunneqarsimapput.
Videot sakkortusinnaaneri mianersoqqussutigissavarput.
Ilulissani qimmillit ilaata Kaj Adam Jensenip oqaatigaa nappaataat parvo-virusiorpasittoq, tuniluussinnaaneranullu paasissutissat internettimi misissorsimasani annilaarnaannartuusut.
- Napparsimasut marluk toqutsereerpakka, malunnarsisut aamma pingasuupput, Kaj Adam Jensen KNR-imut oqarpoq.
Qimmini qimmivilimmini isorliusut pingasut minillugit, aqqanillit maanna toqutsikkiartulerlugit aamma oqaatigaa.
Aamma atuaruk Qimmit nappaataata Ilulissanut anngussimanissaa aarleqqutigineqartoq
Ilulissani qimmit nappaalanerat KNR-imit malittaralugu allaasereqqissavarput.