El Pasomi toqoraasimasutut pasineqartoq pinngitsuunerartoq
Amerikamioq 21-nik ukiulik Texasimi pisiniarfissuarmi Walmartimi augustip pingajuanni aallaasersornermini inunnik 22-nik toqutsimanini pillugu pasisaanermini pinngitsuunerarnerarpoq.
Taanna eqqartuussivimmi sisamanngornermi sassartinneqarami taama oqarsimasoq, amerikami tusagassiuuteqarfiit arlaqartut taama allaaserisaarput.
AAMMA ATUARUK Donald Trump vil besøge byen El Paso
Amerikamioq 21-nik ukiulik Patrick Crusius aggustip ulluisa pingajuanni allaasersormat inuit 22-it toqutaasimanerani inunnilllu 25-nik ikiligaanerannik kinguneqartumik paasineqarpoq.
Aallaasersornerata kinguninngua tigusaanerani aallaasersorsimanini politiinut nassueritigisimavaa , annertunerusumillu Mexicomiut aallaasersorfiginiarlugit oqarsimalluni.
Kisianni tassa El Paso eeqartuussivimmi killisiorneqarnerani pisuunnginnerarsimavoq.
Unnerluussisussaatitaasup Jaime Esparzap siusinnerusukkut nalunaaarutigivaa, Partick Crusius toqutassanngorlugu pineqaatissineqassasoq.
AAMMA ATUARUK Texasimi aallaasersortoqarmat ikinnerpaarmik qulit toqutaasut
Unnerluussisussaatitaasut oqarnerat naapertorlugu aalllaasersornera peqqarniisaarniarnertut isigineqassasoq.
Videoliami alapernaarsuinermi atorneqartuni immiussami takuneqarsinnaavoq 21-nik ukiulik aallaaserluni pisiniarfissuarmut Walmartimut isertoq.
Patrick Crusius aallaasersornini sioqqullugu isummersuutiminik saqqummiussivoq ilaatigut allaasimalluni, " Latinamerikamiut USA-mik tiguaasutut taallugit.
Unnerluussisussaatitaasup allagaani atuarneqarsinnaavoq, Crusius aallaasersoreernermi kingorna politiinut tunniutiinarami oqarsimasoq " uanga aallaasersortuuvunga "
/ritzau/AFP