Misissuineq naammassingajalerpaat

Manna tikillugu inuit issittormiut inuuniarnikkut atugaannik misissuinerit annertunersaat siullersaallu naammassingajalerpoq. Taamatut oqaluttuarpoq kisitsisitigut paasissutissiisarnermik paasisimasalik Birger Poppel, misissuinerup kalaallinut tunngasortaanik isumaginnittoq:

Misissuineq arlaleriarluni tamanut saqqummiunneqarumaarpoq, kalaallisuualu siulleq ukiamut septemberip qaammataani saqqummerumaarluni, massakkorpiarlu takorloorpara ilaatigut kalaallit inuuniarnikkut atugaasa nalinginnaasumik septemberip qaammataani tabelerpalaarnerusumik nassuiarneqarnerat suliarineqassasoq, taamaalillutalu tamatuma kingorna misissueqqissaarnerit sukumiinerusut arlaqartut ingerlanneqassallutik, taamaalillutalu maannakkorpiaq Kalaallit Nunaanni nunaqarfinnit tamarmiusunit apersuinerit tamaasa pissarsiarisimalerpavut, apersuinerillu kingulliit Upernavimmeersut Aasianneersullu suliarilerlugit Ilulissaneersullu marlussuit amigaatigilerlugit. Amerlassutsit eqqarsaatigalugit apersuinerit 80-it missaanniittut amigaatigaavut, tamannalumiuna pissutigalugu inoqarfinni allani naggueqatigiinni Chukotkamiittuni, Alaskamiittuni Canadamiittunilu kinguaattoortugut, Inuit issittormiut Atugaannik misissuinermik isumaginnittuusoq, Birger Poppel naggasiivoq