Ilaqutariit meerartallit oqimaatsorsiortut missuiffigineqarnerannut peqataagit akissarsillutillu. Taama nipilimmik naalakkersuisuit misissuisitsinissamut peqataarusuttunut kajumissaaruteqarput.
Kalaallit meerartai ukioqanngitsuniit 14-it tikillugit ukiullit sinniisuulluarsinnaasut misissuinermi apeqqarissarfigineqartussat toqqartorneqassapput.
Apeqqutit immersugassani akiortugassat atorlugit meeqqat arnai imaluunniit angutai makinneqartut sianerfigiortorlugit misissuineq ukiaru aallartinneqassaaq. Telefonikkullu apersuinerit ukioq manna oktobarip naaneraniit marsip naanerata tungaanut ingerlanneqassangatinneqarput.
Ilaqutariit ullumikkut inissisimanerannik eqqortumik politikerit paasisaqarusunnerat misissuinermi tunngaviuvoq, paasiat siunissami suliniutit ilusilersornerannut tunngavissatut atorneqassammata.
Naalakkersuisut neriuutigaat misissuineq innuttaasunit tamanit ilassilluarneqassasoq.
Misisuinermut atatillugu ilaqutariit attavigineqareerlutik misissuinermut peqataasut eqqugassaqartinneqassapput. Eqqugassat annersaat 10.000 kr.-uvoq, aappagulu apriilip qaammataani misissuisitsineq naammasseriarpat eqquisut makinneqassasut, Ilaqutariinnermut Naalakkersuisoqarfik nittartakkamini allappoq.
