Misilittagartooq pingasoriaammik pissartanngorpoq

Sulorartartut peqatigiiffiat JBF ukiaanerani Ilulissani unammisitsivoq. Angusat takukkit.
Allattoq Noah Mølgaard
novembarip 23-at 2011 09:06

Misilittagartooq Juliane Brønlund Ilulissat pingasoriaammik pissartanngorpoq. Unammeriaatsini arnat ataasiakkaarnerani, arnat iligiiaarneranni Lisbeth Davidsen iligalugu akuleriillunilu iligiiaarnermi Michael Kleist iligalugu pissartanngoqattaarpoq.

U-17-ni unammisartoq Julia Thomsen aamma pingasoriaammik pissartanngorpoq arnat ataasiakkaarneranni, arnat iligiiaarneranni Milka Brønlund iligalugu aamma akuleriilluni iligiiaarnermi Kevin Pedersen iligalugu ajugaasaqattaarami.

Angutit ataasiakkaarnerani finale-mi Tonny Fisker aamma Karl Jakob Thomassen pikkunavissumik unammipput. Sæt-it pingajuanni aatsaat ajugaasussarsipput tassani Karl Jakob Thomassen 29-17-mik ajugaammat.

JBF-ip ukiaanerani unammiuaartitsinera aamma Upernavimmiit peqataaffigineqarpoq Sussi Hindrup aamma Johnny Høeg unammeqataammata. Periarfissaq iluatsillugtu Johnny Høeg Jørgensenip pisiniarfeeraatini LT-Kiosk nittarsaappaa ajugaasunut ketche-nik tunissuteqarami.

Linki ataaniittoq toorlugu angusat takusinnaavatit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq