Misilittagaqarluartoq KNI-mi pisortaanerunngussaaq
KNI-mi suliffeqarfissuup pisortartaava Søren L. Mortensen siornatigut suliffeqarfissuarmi pisortaasimavoq. Allakkerisarfimmi taamanikkut KNI-miittumi pisortatut 1991-imi atorfinitsinneqarsimavoq.
Søren L. Mortensen aammattaaq Kalaallit Nunaanni ukiorpassuarni najugaqarlunilu sulisimavoq. Maanga siullermeerluni 1984-imi tikippoq Grønlandsbankip Ilulissani immikkoortortartaavani pisortaalluni ukiullu pingasut taavaniilluni. Kingornatigut Jyske Bankimut immikkoortortami pisortatut ukiuni sisamani sulivoq, Kalaallit Nunaatali pilerinassusia tassunga ilaqutaanullu angivallaarpoq, taamaalillutillu 1991-imi maanga uterlutik. 2001-imiit KNI-mi pisortartaassaq nammineerisaminik siunnersuisarfittut suliffiuteqarsimavoq pingaartumik timigissarnermut tunngasumik neqerooruteqartarfiusumik.
KNI-mi atorfiniffissap ullua suli aaqqinneqanngilaq taamalu pisortatigoortumik suli ivertitsisoqarani. Tamanna pissutigalugu Søren L. Mortensenip Namminersornerullutik Oqartussat suliffiutaani suliffittaassani pillugu apersorneqarusussimanngilaq.
