Misilitsikkiartortorpassuit
Niviarsiaqqat marluk misilitsinnissaminnut utaqqipput. Marluullutik mobiltelefoni nipeqanngitsumik ingiorpaat. Mads Lumholt tassuugu piginnaassutsiminnik takutitsiffigissavaat.
- Uanga aqqaneq-marluinnarnik ukioqarpunga, taamaammat periarfissanik suli ulikkaarpunga. Kisianni erinarsoqatigiinnut ilanngunnissaq itigartitaanermiit nuannernerussangatippara, Mia Biilmann-Larsen isernissaminut pissangasoq oqarpoq.
Minutsialuit qaangiummata anillappoq, pissanganeralu tammarsimavoq.
-Erinaginnerarpaannga, taamaattumik ingerlaqqippunga, aamma nuannaaqaanga, Mia Biilmann-Larsen oqarpoq.
Misilitsinnermini meeqqat eruinarsuutaannik atuivoq.
- Misilitsikkama assut pissangavunga aamma naliliisut ilumoorsaarpaseqimmata, oqarpoq.
Mia Biilmann-Larsenip ukiut marluk qaangiuppata aatsaat nivissat erinarsoqatigiivinut ilanngussinnaavoq, taamaattumik utaqqiisaagallartumik meeqqat erinarsoqatigiivinut ilaagallassalluni. Tassani niviarsiaqqat nukappiaqqalu akornanni erinarsoqataasalernissani qilanaaraa, aamma kalaallit oqaasiinik atuinissaq sungiusimanngisani pissanganartippaa.
- Kalaallisut pikkorippallaannginnama nalorsalaarnissara ilimagaara, kisianni Kalaallit Nunaanni najugaqaratta tamatta pinngitsoqarata kalaallisut erinarsortartussaavugut, Mia Biilmann-Larsen oqarpoq.
Kalaallisut erinarsuutit eriagisat erinarsoqatigiit pilersinneqarnerannut siunertaavoq ersarissoq.
Katillugit meeqqat 69-it niviarsissallu 22-t misilitsinnermut takkupput. Erinarsoqatigiinnut ilaasortanngortut sapaatip akunnerata tulliani sungiusarlutik aallartissapput.