MIPI:Meeqqat paaqqutarineqarnissamik pisariaqartitsisut ikiussallugit meeqqerisut tamatigut periarfissaqarfigisanngilaat

Meeqqanut paaqqutarineqarnissamik pisariaqartitsisunut meeqqeriviit aallartiffigissallugit pitsaasuuvoq. Meeqqat taama pisariaqartitsisut ikiussallugit meeqqerisut tamatigut periarfissaqarneq ajorput. Inunnik Danmarkimi Isumaginnittoqarfiup nutaamik misissuisitsinerani tamanna erserpoq. Kalaallit Nunaannili qanoq ingerlasoqarpa?

Sapaatip akunnerani uani siusinnerusukkut Radioaviisimi ilanngutassiaraarput, meeqqat paaqqutarineqarnissamut pisariaqartitsisut, soorlu meeraaqqerivinni, meeqqerivinni meeqqallu atuarfiini meeqqanut allanut – inersimasunullumi – attaveqarsinnaanerat pisariaqarpoq. Meeqqanulli angerlarsimaffimminni atugarissaarpallaanngitsunut tamanna naammanngilaq.

Meeqqat Inuusuttullu Pillugit Ilisimasaqarfimmi, MIPI-mik naalisarneqartartumi, ataqatigiissaarisoq, Sociolog, Nina Banerjee, oqaluttuarpoq, meeqqerivinni atugassarititaasut pitsaasuusariaqartut, nunarsuaq tamakkerlugu misissuisitserniit paasineqarmat meeqqerisut suliaminnut atatillugu ilisimasaat, suliaat, meeqqerisut ilinniarsimasut sulisorineqartarneq, soorlu meeqqerisut ilinniarsimasut qassit meeqqamut paaqqutarinninnissamut pisariaqartitsisumut sulisorineqartarpat, Nina Banerjee, MIPI-mi ataqatigiissaarisoq, ilaatigut oqarpoq.

- Tassa meeqqeriviit pitsaasuusariaqarput. Nina Banerjeep erseqqissaatigaa, meeqqerisunik ilinniarsimasunik sulisoqarnissaq qanoq pingaaruteqartigisoq. Meeqqerisut sulisuuginnassanngillat, aamma atugarissaarnissaat pikkorissuunissaallu pisariaqarpoq. Inunnik Danmarkimi isumaginnittoqarfiup misissuisitsinerani meeqqerisut qanimut paasiniaavigineqarput, uangalu ilisimasakka naapertorlugit Kalaallit Nunaanni taama ittumik misissuisitsisoqarnikuunngilaq, Nina Banerjee oqarpoq, qalleqqissaatigaali misissuisitsinissaq soqutiginaateqarsinnaasoq, soorlu meeqqat meeqqerivinni atugaat pillugit ajunngitsortaat misissorneqarsinnaappuut katersorlugillu, MIPI-mi, tassa Meeqqat Inuusuttullu Pillugit Ilisimasaqarfimmi ataqatigiissaarisoq, Nina Banerjee, naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat