MIPI-p sipaarfiginiarneqarnera Arkalo Abelsen-ip pinngitsoortippaa

Meeqqat Inuusuttullu pillugit Ilisimasaqarfiup naalisarlugu MIPI-p allaffissornikkut suliaqarnera 300.000,00 koruuninik sipaaruteqarfigineqartussatut inatsisartut aalajangiiffigigaluaraat, Ilaqutariinnermut Naalakkersuisup Arkalo Abelsenip pinngitsoortippaa.
Allattoq Jaaku Lyberth
apriilip 19-at 2008 17:09

”Inatsisartut siorna 2008-mut aningaasaliinissamut inatsimmi aalajangerpaat, ilaqutariinnermut naalakkersuisoqarfimmi sipaaruteqartoqassasoq, allassimananili MIPIp allaffissornikkut ingerlatsinnera immikkut sipaarfigineqassasoq”, Arkalo Abelsen Ilaqutariinnermut naalakkersuisoq oqarpoq. MIPI-p siulersuisui qanittumi ataatsimeeqatiginerani paasivara, sipaarniarneq qanoq MIPI-p sulineranut sunniuteqassanersoq aammalu Meeqqat Inuusuttullu pillugit Ilisimasaqarfiup sulinera pingaaruteqartigisoq paasigakku sipaarutigineqarfigineqartariaqanngitsoq aalajangerpunga, Arkalo Abelsen oqarpoq.

Sipaarutigineqartussatut siunniunneqartut Ilaqutariinermut naalakkersuisoqarfiup allaffeqarfiani allami nassaarineqassapput, Ilaqutariinermut Naalakkersuisoq Arkalo Abelsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq