”Suu – ullut tamaasa unnukkut nerisarpugut. Qallersuutilinnik iffiartornerusarpugut tiitorlutalu. Akissaqaraangatta pisiniarfimmut pisiniartarpugut.”
MIPI-p nalunaarusiaani meerarpaaluit inuusuttuarar-paaluillu issuaavigineqarlutik taama oqartarput.
”Meeqqat ujariatsisut” nalunaarusiaq taama ateqarpoq, misissuinermi ilaqutariit pissakilliornerusut ilanngutas-siami apersorneqarsimapput.
Nina Banerjee suliniummi pisortaavoq – isumaqarporlu nalunaarusiaq isumaginninnermut tunngatillugu meeqqanut suliniuteqarnermi pingaarutilittut iluaqu-taalerumaartoq – pissutigalugu meeqat nalunaarusiami oqaluttuartuummata.
Qulequttat isumaginninnermi assigiinngissutit piitsuussutsip aningaasaqarniarnerullu pisortat ingerlatsiviutaat tassuuna attorneqagaatsiarsimapput.
Ilisimatusarnikkullu misissuinertigut nunat tamat akornanni taanna qulequtarineqartillugu meeqqat tassuuna annertuumik eqqorneqartarput.
Taamaattumik soqutiginartissimavarput meeqqat inuusuttuaqqallu qanoq oqaluttuarsinnaanersut atukkatik pillugit.
- Una nalunaarusiaq qanoq atorneqarsinnaasoraajuk?
“Neriuutigaara meeqqat inuusuttaqqallu oqaluttuartin-neqartut tusarnaarluarneqarumaartut, kingornalu oqaluttuaat suliniarnissami tusaaniarneqarumaarlutik!
Inuuniarnerminnilu atugassarititaasut suut naalaattaga-rineraat inissisimanerallu tassuuna paasilluarneqaru-maartut. Aammalu meeqat inuusuttuaqqallu inassuteqaatissaat tamanit tigulluarneqarumaartut.
Meeqqat inuusuttuaqqallu pillugit ilisimasaqarfimmiit paasisagut meeqqat inuusuttuaqqallu atugaannut tunngasut katersoreerutigit susassaqartunullu tunniunneqareerpata taava aalajangiinissat inuiaqatigiinnut saqqummiunneqarumaarput aalajangiiffigisassanngortinneqarlutik.
Ullumikkut nunat tamat akornanni ulloq meeqqanut ulloritinneqarpoq – taamaattumillu ullumikkut ulloq immikkut toqqarneqarsimavoq nalunaarusiap “Meeqqat ujariatsillutik oqaluttuarput” saqqummiunneqarfissaatut, suliaq suliarineqarsimavoq inuiaqatigiit pissusaannik ilisimasalimmit Sissel Lea Nielsen-imit.
