Ullumi MIPIp aaqqissugaanik siunissami meeqqat inuusuttuaqqallu atugaasa ilorraap tungaanut sangutinniarlugit qanoq suleriaaseqartoqarsinnaaneranik ataatsimeersuarneq aallarnerneqarpoq.
Aaqqissueqataasoq Maliina Abelsen nassuiaavoq:
- Ataatsimeersuarnerup siunertaraa meeqqat inuusuttuaqqallu atugarisaannik ilisimasanik paasissutisseeqatigiinnissaq, oqaluinnaratalu piviusunngortinneqarsinnaasunik suliniuteqarnissaq.
Iluaqutaasunik iliuuseqarnissamut nalunaarusiarpassuit katersuutiinnalersut pujoralatsiliinnaqqasut annertuallaalerput.
Meeqqat angerlarsimaffimminni nalaattagaasa sakkortuut nalunaarusiornissaanni pingaarpoq kisitsisinik takussutissanik aallaaveqarnissaq.
Oqaannaraluaruttami: "Aap, meeqqat atugarissaarnerulernissaat anguniartariaqarparput".
Tamakkuli anguniarneranni meeqqat pisariaqartitaat puigorneqanngisaannassapput. Misilittakkat aallaavigalugit suliniarluarnerup kingunerisarpai meeqqat atugarliortut atugarissaarnerulernerannik. Ilisimasavulli naammanngikkaangata malugisarparput meeqqat ikiorneqartussaagaluartut qarsupiinnarneqartarnerannik.
- Siunissaq ungasinnerusoq eqqarsaatigalugu suliniutit pilersaarusiorluakkat, uppernarsaatissartallillu piviusunngortinnissaat imminut akilersinnaapput.
Aningaasarpaasuit piffissarlu sipaarneqarnissaapput - ilisimalikkat ajornartorsiutaasut qaangerniarlugit suleriaatsit imminnut akilersinnaapput.
- Imigassamik ajornartorsiuteqarneq Kalaallit Nunaanni kisimi ajornartorsiutigineqanngilaq, nunarsuarli tamakkerlugu atugarliortitsiuarpoq.
Soormiuna immitsinnut aperinianngitsugut allat iluatsissinnaappata uagut taamaassinnaanngitsugut?