MIOp Meeqqat Pisinnaatitaaffii Ilinniartitsissutigivai

Atuarfiit tamarmik ulluni makkunani ilinniartitsissut ”Meeqqat Pisinnaatitaaffii Ilinniartitsissutigisigit”, Danskit Inuit Pisinnaatitaaffiinut Ingerlatsiviat suleqatigalugu suliaq, pingasunngorlugit nassiussarsiarissavaat.

- Neriuutiga tassaavoq, meeqqat pisinnaatitaaffii siunissaq ungasinnerusoq isigalugu tassaannaassanngitsoq inuttut inerikkiartornermi (II) ilinniarneqartussat, kisiannili tassaassasut tiiminut allanut ilanngullugit atorneqartut.

AAMMA ATUARUK Meeqqat pisinnaatitaaffii MIO-p app-ikkut saqqummersippai

- Meeqqat pisinnaatitaaffii inuit tamat oqartussaaqataanerannik annertuumik imaqarput, tassunga ilanngullugit isummatta oqaasertalersortarnerannik ilinniartarnerput allallu isumaannik ataqqinnittarnerput, meeqqat oqaaseqartartuat Aaja Chemnitz Larsen oqarpoq.

Ilinniartitsissut nukarlernut akullernullu naatsorsuussaavoq, ilinniartitsisullu meeqqanik meeqqat pisinnaatitaaffii pillugit ilisimasanik atortunillu aalajangersimasunik ilinniartitsissutissaqalissapput.

Iilinniartitsissutit ilinniartitsisunut paasissutissanik kiisalu isiginnaartitsissutigineqarsinnaasunik siunnersuutinik, pisinnaatitaaffiit pillugit akunnattoorutinik sungiusaatinillu meeqqanut pisinnaatitaaffiit pillugit nuannersumik ilinniutaasinnaasunik imaqarput.

Ilinniartitsissutit ilinniartitsisunit misilittagartuunit ilinniartitsisunngorniartunillu misilerarneqarsimapput. Ilinniartitsissutit kupeerneqarsinnaapput, taamaasillunilu sungiusaatit sorliit qassillu atussanerlugit toqqarneqarsinnaallutik.