MIO-p meeqqat pisinnaatitaaffii aallakaatitassiarissagai
Meeqqat Illersuisuat, Aviâja Egede Lynge, tv-kkut aallakaatitassianik arfineq-pingasunik suliaqartitsilerpoq. Sermitsiaq.AG taama allaaserisaqarpoq.
Aallakaatitassiat angajoqqaanut inersimasunullu saaffiginnittuussapput. Meeqqat illersorneqarnissaminnut pisinnaatitaaffii, ikiorneqarnissaat perorsaanerlu aallakaatitassiani ilaatigut sammineqassapput.
MIO-p ukiuni pingasuni tulliuttuni periusissiamini angajoqqaat inersimasullu samminiarlugit aalajangiussisimavoq aallakaatitassiarineqartussallu suliniutissat ilagaat.
TV-kkut aallakaatitassiat Mudi Kramer Berthelsen peqatigalugu suliarineqassapput KNR-ikkullu ukiamut aamma ukiumullu aallakaatinneqassallutik.
Aallakaatitassiat Nuna-Fondip, Brugsenip Tips & Lottomiillu aningaasaliiffigineqartut Sermitsiaq.AG allappoq.