Ministeriunerup Yves Leterne-p naalakkersuisumi tunuarniutaat kunngimut tunniuppaa
Partiip VLD-ip naalakkersuisunut tapersersuiunnaarnini nalunaarutigereeraalu Yves Leterne allatut ajornartumik Kunngimukartariaqarsimavoq. Naalakkersuisut taamaalillutik ikinnerussuteqangaartunit tapersersorneqalerput, tassa inatsisartunut ilaasortanit 150-iusunit taamaallat 76-init tapersersorneqaleramik.
VLD naalakkersuisunut tatiginnikkunnaarpoq, gruppi ullaap-tungaa ataatsimeereersorlu VLD-mi siulittaasoq, Alexander De Croo, oqarpoq.
Yves Leterneip partiiata kristendemokratiskiusup partiinit franskisut oqaluttunit pingasunit tapersersorneqarnera maanna pingaaruteqartorujussuanngorpoq, ministeriunerullu ernumanartoqartikkunarlugu tunuarniutini Kunngimut tassa tunniuttariaqarpaa.
Belgiami franskisut oqaluffiusumi, Valloniami, aamma flamskisut oqaluffiusumi, Flandernimi, isumaqatigiinnginnerit politikkikkut isumaqatigiinnginnernut pissutaagunarput.
Illoqarfiit pingaarnersaanni Bruxellesimi, franskisut oqaluffiunerusumi, qinersiviit iluarsartuuteqqinnissaat inatsisartut anguniarsarigaluarpaat, iluatsitsinatilli, naak Bruxelles Flandernimiikkaluartoq.
