Ministeriunerup eqqartuussissuserisut misissuisariaqannginnerarai

Minkinik pisariaqanngitsumik toqaraasimanermi akisussaatinneqarniarnerminut tunngavissaqanngitsoq, Mette Frederiksen isumaqarpoq.
Minkit pillugit ataatsimiititaliap nalunaarusiamini Mette Frederiksen ministeriunertut akisussaaffimminik unioqqutitsisimanersoq oqaatiginngilaa. Assi © : Ólafur Steinar Rye Gestsson/Ritzau Scanpix
Allattoq Ritzau
juulip 01-at 2022 10:37
Nutserisoq Karline Platou

Danskit ministeriunerat Mette Frederiksen tusagassiortunik katersortitsinermi oqarpoq, 2020-p ukiaani minkit amiisa tunisassiarineqarnerisa Danmarkimi unitsinneqarnissaannik aalajangernini sakkortuumik mianersuaalliornerunngitsoq.

Taanna naalakkersuisut allat sisamat peqatigalugit ippassaq sisamanngornermi tusagassiortunik katersortitsinermi taama erseqqissaateqarluni oqarpoq.

AAMMA ATUARUK Danskit inuussutissaqarnermut ministeriat Mogens Jensen tunuartoq

Ministeriunerup taama oqarnerminut tunngavilersuutigaa, minkit pillugit ataatsimiititaliap oqaatigimmagu ministeriuneq taamaaliornissaminut inatsisitigut tunngavissaqanngitsoq.

- Erseqqissarusuppara, suliap ingerlanerani nammineq oqaatigiuarsimagakku, uanga ministeriunertut nalusimagiga tamatuma inatsisitigut tunngavissaqannginnera, Mette Frederiksen tusagassiortunik katersortitsinerrmi ilaatigut oqarpoq.

Minkit pillugit ataatsimiititaliap ministeriunermut atorfilittaanullu taamalu ministeriunerup qullersaaffigisaanut sakkortuumik isornartorsiuinerugaluartoq ministeriunerup inituutut paasinngilaa.

Aappaatigulli aamma minkit pillugit ataatsimiititaliap nalunaarusiamini Mette Frederiksen ministeriunertut akisussaaffimminik unioqqutitsisimanersoq oqaatiginagu.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk